حوزہ نیوز ایجنسی کی رپورٹ کے مطابق، آئی ایس او پاکستان ضلع اسکردو کی جانب سے آج علمدار چوک اسکردو پر پاکستان کی غزہ امن بورڈ میں شمولیت کے خلاف ایک احتجاجی مظاہرہ کیا گیا؛ جس میں نائب صدر انجمنِ امامیہ بلتستان شیخ ذولفقار انصاری، شیخ غلام حسن عابدی اور صدر آئی ایس او پاکستان ضلع اسکردو آصف حسین نے خطاب کیا۔
احتجاجی مظاہرے سے خطاب کرتے ہوے نائب صدر انجمن امامیہ بلتستان شیخ ذولفقار انصاری نے کہا کہ پاکستانی حکومت نے غزہ امن بورڈ میں شمولیت اختیار کر کے بانی پاکستان قائد اعظم محمد علی جناح کے مؤقف کی خلاف ورزی کی ہے۔ پاکستانی عوام اس فیصلے کو مسترد کرتے ہیں اور مطالبہ کرتے ہیں کہ فی الفور اس نا پاک عزائم رکھنے والے امن بورڈ سے علیٰحدگی اختیار کرے۔
اس موقع پر مؤمنین نے امریکہ اور غاصب اسرائیل کے خلاف زبردست نعرہ بازی کی اور پاکستانی حکومت کی غزہ امن بورڈ میں شمولیت کو مسترد کیا۔
آپ کا تبصرہ